XALQARO ANJUMANLARDA ISHTIROK

2026-yil 5–10-iyul kunlari O‘zR FA Genetika va o‘simliklar eksperimental biologiyasi instituti xodimlari F.N. Kushanov, B. Rasulov va X. To‘raqulov Xitoy Xalq Respublikasining Yanlin shahridagi Shimoliy-g‘arbiy qishloq va o‘rmon xo‘jaligi universitetida o‘tkazilgan “11th Silk Road Alliance for Agricultural Education, Science and Technology Innovation” hamda “The Fifth Shanghai Cooperation Organization National Agricultural University Presidents Forum” xalqaro anjumanlarida ishtirok etdilar.
Anjumanda O‘simliklar genom tadqiqotlari laboratoriyasi mudiri, biologiya fanlari doktori, professor F.N. Kushanov “Modern Biotechnological Approaches to Conserving Plant Genetic Resources and Developing Stress-Resilient Crop” mavzusida ilmiy ma’ruza qildi. Ma’ruzada o‘simliklar genomikasi, bioinformatika, molekulyar seleksiya hamda qurg‘oqchilik va sho‘rlanishga chidamli ekinlarni yaratishga qaratilgan tadqiqot natijalari taqdim etildi.